Ouverture Masjid Bradford / Tahreek e Jadid

Khutba

07.11.08

Bismillah Ir Rahman Ir Rahim

Traduction Khutba Jummah qui Hazrat Ameer Oul Momeneen, Khalifat Ul Massih Al-Khamis ti faire Vendredi dernier le 7 Novembre 2008 dans le Masjid Bait Ul Mahdi Bradford U.K.

Aprés le Sura Fatiha, Huzoor fine reçite verset 29-32 de Sura Ibrahim. Ensuite Huzoor dire Alhamdolillah aujourdhui le Jama’at de Bradford aussi fine gagne l’ocçasion construire ene Masjid. Ti ena ene centre içi qui ti pe servi comme le Masjid, et mo penser qui ça Hall la a ene certaine niveau ti pe accompli banne neçessités de Jama’at de Bradford. Mais pas ti çapave apelle ça ene Masjid, c’est premier Masjid du Jama’at Ahmadiyya qui nous ena dans ça région la. Mo pas encore trouve tout mais mo fine trouve banne photos, et banne qui fine trouver zotte dire qui depuis le chemin principal, ena ene très joli image du Masjid, et quand ou deboute lors so terraçe ou trouve so la ville en entier, ene vue panoramique et parraitre qui toute la ville trouve ça Masjid la. Ena les autres Masjids de banne les autres jamaat étrangers qui nous trouver depuis içi. Mais de toute façon, dans ça place la, Allah fine donne ça pour faire construction qui dans ene hauteur dans la ville cotte trouve la ville en entier, et la ville aussi trouve le Masjid. Donc dans ça aspet la ça fine vine ene plaçe important.

Tout ça c’est Allah so la Grace et aussi pour banne habitants de Bradford zotte fine réaliser qui quand ena la ferme intention, Allah envoye so aide. Quand ou fine décider pour construire le Masjid, Allah aussi fine envoye so aide.Et ensuite dans ça l’endroit la ena encore banne Masjids qui pe construire ou qui pour construire. Dans ça Jummah la, laisse mo dire ou en bref qui dans Sheffield aussi ene Masjid fine construire. Demain pour ena so inauguration Insha Allah, mais puisque aujourd’hui c’est Jummah c’est pourquoi mo pe mentionne ça. Ou fine aussi gagne l’ocçasion pour acheter 2 centres.

Banne Ahmadis dans le monde zotte ena désire pour conne plus lors Masjids. Et banne qui reste en Angleterre içi, beaucoup d’entre zotte pas conner, c’est pourquoi laisse mo dire zotte. Depuis 1962, en 1972.et 1973 H.Khalifat Ul Massih Salis ti vine içi et en 1979 fine acheter ça place qui ti pe servi comme centre la. Ensuite H.Khalifat Ul Massih Rabbe ti vine ici en 1982et après ene lotte coup encore. Lors conseil de H.Khalifat Ul Massih Rabbe fine cherche ene place içi pour construire le Masjid. Et en 2001 ti fine gagne permission pour construire. Et en 2004 fine mette so fondation. Lors construction de ça Masjid la, fine depense 2 a 3 millions de livres sterling, et ena ene Hall pour banne missiers qui çapave contenir 600 personnes. Ene Hall pour banne madams. Apart ça ena encore ene Hall. Et apart travail de banne compagnies nous banne volontaires aussi fine faire beaucoup travails. Qui Allah recompense zotte tout. Et pour fond de ça Masjid la, pas seulement Jamaat de Bradford qui fine participe dans ça fond la, au contraire mo fine dire a Lajna Imaillah de UK pour zotte prend part la dans, ainsi qui Khuddam Ul Ahmadiyya. Parcequi fond pour Masjid de Hartlepool ene tres grande partie vine depuis le Majlis Ansarullah.

Donc de toute façon, la Lajna Imaillah fine bien participe dans ça chanda la, et le Khuddam Ul Ahmadiyya, et Jamaat loçal de Bradford. Zotte fine faire bon sacrifice, qui Allah recompense zotte tout. Dans Jamaat de UK aussi ena ene ferveur qui pe crèer, avant après plusieurs annèes ene Masjid ti pe construire ou ti pe acheter ene place pour faire centre, mais maintenant zotte fine pense pour construire ene Masjid avec banne les autres amenagements. Qui Allah continuer ça, et en ce moment ça target qui zotte fine metter de 25 masjids la, qui zotte accompli ça au plus vite.
Banne dimounes de l’Europe, par la Grace d’Allah, cotte ena ene partie qui pe faire oppositions, ena ene lotte partie aussi de banne jeunes qui pe intéresse zotte a l’Islam. Et zotte trouver banne enseignements la depuis Quran, zotte lire l’histoire, zotte guette banne anecdotes. Dans l’Europe banne progrés qui fine ena a travers Islam, zotte guette ça, ensuite zotte interesse zotte a ça. Ensuite parcequi Jama’at Ahmadiyya dans ena plaçes li pas bien connu, groupe de banne musulmans vers lequel zotte aller, ena des fois zotte alle lors banne mauvais chemins. C’est pourquoi mo ti dire lors inauguration de Masjid de France qui ti ena ene diplomate Allemand qui ti vini, li fine dire banne jeunes de l’Allemagne zotte bien interesser avec Islam, li mo desire qui si zotte ena pour vine musulmans, qui zotte vine banne musulmans Ahmadis. Donc ça interet qui fine crèer la, besoin garde ça et quand nous construire banne Masjids, ena ene nouveau introduction de Jama’at, ena banne nouveau chemins qui ouvert.

Dans rapport qui Ameer Saheb ti donner, la-dans ti fine faire éloges de banne Lajnas, qui banne lajnas de UK fine accompli zotte promesses de don qui zotte ti faire, mais ti ena complaintes envers banne Khuddam. En ce qui concerne Khuddam Ul Ahmadiyya, zotte dire qui nous fine accompli nous promesse mais de toute façon, si zotte pas fine faire li, be éloigne ça complainte la. Ça deuxieme Masjid qui mo fine dire pour Sheffield la, pour ça aussi depuis 1956 ena le Jamaat qui exister içi, et ça proprieté qui fine acheter pour construire le Masjid, fine acheter ça en 2006, et la-bas aussi Masjid fine construire avec 500,000 livres sterling. En 2006 ti ena quelques même banne dimounes la-bas, mais maintenant par la Grace d’Allah ena a peu prêt 200 Ahmadis. Masjid la ena ene çapacité de 300 dimounes. Comme ça même fine acheter ene centre dans ene lotte place Qui Allah donne zotte l’ocçasion très vite pour construire ça la-bas.
Nous besoin remerçier Allah lors le fait qui quand dans le monde pe construire banne Masjids, la-dans banne Ahmadis de UK aussi pe participer. Qui Allah faire zotte accompli zotte target bien vite mais tout le temps rapelle qui est-ce qui pour construire ene batiment, ene joli batiment, est-ce qui ça li suffit? Est-ce qui ça même quiquechose pour faire nous vine héritiers de banne faveurs qui fine mentionner dans ça Hadith la, qui celui qui fine construire ene Masjid dans ça le monde la, dans l’au-dela aussi pour ena ene la çage qui pour construire pour li. Certainement pour construire ene Masjid li ene bon travail, et Allah trés content ça. Ç’est pour ça qui fine dire Allah fine donne bonne nouvelle d’ene la çage dans l’au-dela. Mais ça but pour lequel Allah fine ordonne pour construire ça la çage la, li très neçessaire pour accompli ça but la. Li neçessaire qui ou ena banne intentions sincère et crèer ça banne sentiments la. L’état de banne le coeurs Allah conner, qui l’intention banne dimounes la ena. Pour ça Allah, besoin crèer ça le coeur sincére la dans lequel ena but d’Allah so plaisir. Dans lequel ena accomplissement droit d’Allah et accomplissement droits de banne créatures d’Allah.

Donc mo ésperer qui en tant qui banne esclaves du Massih Mohammadi, certainement ça sentiment la li dans le coeur de chaque Ahmadi a l’heure de construction de Masjid. Parcequi si pena ça sentiment la, be la question pour ene la çage dans l’au-dela li pas poser même. Donc quand banne hypocrites pour deçevoir Allah, dans l’époque de H.Mohammad s.a.w, zotte ti construire ene Masjid, Allah fine ordonne pour détruire ça Masjid la. Allah fine mentionne ça dans Quran et fine dire dans verset 107-109 de Sura Al-Tauba. Et parmi banne hypocrites ena banne qui fine construire ene Masjid pour nuire a l’Islam et aide la mecrèance et pour crèer désordres parmi banne croyants et pour prépare ene lieu de refuge pour banne qui fine déjà faire la guerre contre Allah et so prophéte H.Mohammad s.aw. et zotte pour dire qui nous ti ena le meilleur des intentions. Mais Allah témoigner qui zotte banne menteurs.

Verset 108-jamais pas deboute la-dans. Certainement ene Masjid fondée lors la piété,li ena plus droit qui to faire Namaz la dans. A l’interieur ena banne hommes qui désire vine pure, et Allah content banne qui purifier zotte.
Verset 109. celui qui fine mette so fondation lors la crainte d’Allah et so plaisir, est-ce qui li meilleur ou celui qui fine jette so fondation lors bord d’ene berge vaçillante et rongée par les eaux, et qui fine écroule avec li dans le feu de l’enfer? Et Allah li pas guide ene peuple qui transgresser.

Nous qui revendiquer qui nous parmi banne esclaves du Massih Mohammadi, qui Allah fine envoyer dans ça l’époque la pour faire reconnaitre li. Le but de so venue c’est faire serviteur vine proche avec so Maitre. Pour faire accompli droits d’Allah et droits de banne créatures d’Allah. Jamais pas çapave attane de nous qui nous banne Masjids li ene tel Masjid qui crèer difficulté, ou bien celui qui Allah pardonne li, pas çapave donne li ene enseignement d’incroyance, ou bien qui ça vine ene moyen pour crèer desordres entre banne croyants. Ou bien qui jamais nous donne refuge a Allah so banne opposants. Donc quand nous pas çapave même faire ça banne mals la, lers la dans nous environnement nous besoin répanne H.Massih Maoud a.s so message plus qui avant. Qui dans esclavage de H.Mohammad s.a.w, ça Massih qui ti ena pour vini pour éloigne difficultés du monde, li fine fini vini, et nous membres de so Jama’at. Nous allume banne lumière d’amour et d’affection dans le coeurs de banne dimounes. Nous suivants de ça Massih Mohammadi qui fine annonçer qui Allah fine envoye moi afin qui avec apport de la verité, termine banne la guerres, et mette ene fondation de reconciliation.

Donc nous banne Masjids li donne ça banne enseignements la, qui mette fondation d’amour et d’affection. Nous dans chaque situation, nous envoye ene la main de reconciliation et envie crèer la paix dans le monde. Pour éloigne banne difficultés du monde, tout le temps nous fine faire sacrifices et tout le temps nous pour continuer faire li. Aujourd’hui dans le monde c’est introduction a Jamaat Ahmadiyya qui pour faire nous reste dans le premier rang, banne dimounes qui conne nous zotte conne nous parcequi nous ene Jamaat de paix. Au contraire mo pour dire qui nous plus devant qui tout. Parcequi nous services li unique et li pour tout et nous soulage bvanne souffrance des autres.Dans l’Afrique a travers Humanity First nous pe faire banne services, dans banne iles nous pe travaille, dans le Sud d’Amerique. Ensuite ena Engineers Association dans lequel banne dimounes de UK pe faire beaucoup banne travails, dans l’Afrique et les autres places aussi. Donc partout nous travail c’est ranne services afin qui problemes de banne dimounes éloigner. Cotte pena de l’eau pour boire, nous faire banne travails pour qui zotte gagne ça de l’eau la. Ena beaucoup qualités travails qui le Jamaat Ahmadiyya pe faire.

Ensuite dans ça verset la ena ene mal qui fine mentionner, qui ene Masjid qui pas fine construire pour la çause d’Allah, fine dire qui ça li repanne incroyance. Alors qui nous banne Masjids li faire pour qui faire Allah so ibaadat, pour accompli droit de nous création, et so but c’est faire Allah so ibaadat. Dans ça region la ena beaucoup musulmans, comment mo fine dire ena les autres Masjids aussi, et ena ene partie qui pas fine content construction de nous Masjid. C’est pourquoi pendant construction zotte fine essaye mette batons dans la roue, ainsi qui banne non-musulmans aussi. Mais zotte action besoin faire nous accompli droits de ibaadat plus qui avant. Ça besoin faire nous faire plus zefforts qui avant pour crèer ene relation avec Allah. Quand nous mette ça parole de H.Massih Maoud a.s la devant nous, nous besoin essaye marche lors la, fine dire qui ça unicité sincère et brilliant la qui vide de tout idolatrie, besoin remette ça dans le peuple comme ene plante éternel, ça ti so travail. Ça unicité qui ti fini dans le monde la, pas seulement ena pour établi ça, au contraire besoin mette ene tel plante qui jamais pas sec. Et nous nous banne dimounes qui revendiquer qui nous fine rentre dans so Jamaat. Nous nous branches de ça arbre la, tant qui nous reste banne branches, nous accompli le droit de tawheed nous pour faire partie de ça arbre la, sinon nous pour tomber comme banne feuilles sec.

Donc quand nous fine vine sous baiat de H.Massih Maoud a.s,, nous ena pour montrer nous banne dimounes et a banne étrangers aussi avec nous actions et paroles qui nous construire banne Masjids pour adore Allah l’unique. Et pour fini idolaterie nous faire sacrifices, afin qui incroyance fini pour tout le temps dans le monde. Ensuite Allah dire qui pour construire banne Masjids c’est pas travail de banne dimounes qui essaye crèer désordres entre banne croyants. Donc aujourd’hui ça besoin slogan de chaque Ahmadi, pas seulement slogan, li besoin parraitre avec so chaque action et parole qui zotte preche l’amour, zotte unir banne les coeurs, zotte fini désordres dans le monde en generals et surtout de zotte société. C’est a ce moment la qui nous Masjid pour accompli ça but la qui so fondation baser lors takwa, c’est a ce moment qui nous tabligh pour ena l’effet lors le coeurs de banne les autres dimounes. C’est a ce moment la qui nous pour gagne le coeur de nous banne frères musulmans qui dans erreur a çause zotte ignorance ou a çause zotte fine mal guider. Parcequi maintenant dans ça l’époque la, d’aprés prophétie de H.Mohammad s.a.w so amoureux et le Massih Mohammadi ena pour faire tous banne musulmans vine sous le ummat unique. Maintenant c’est responsabilité de ça Massih Mohammad qui li besoin faire banne croyants adopter ça banne vrai enseignements de l’Islam la, afin qui zotte marche lors le takwa. Et zotte donne exemple de ça Masjid la pareil coumma Allah fine dire qui so fondation baser lors le takwa et lors Allah so plaisir. Sinon ene Masjid qui pena takwa, qui pas accompli banne buts de takwa, c’est ene Masjid qui fine faire au bord du feu.

H.Khalifat Ul Massih Awwal r.a commente lors la et dire qui bord d’ene la rivière li tombe dans de l’eau, mais bord d’ene hypocrisie li tombe dans du feu, banne Masjids qui pas fine construire seulement pour la çause d’Allah, Allah fine donne nous ça exemple la qui c’est ene Masjid qui tombe dans du feu. Nous nous pure de hypocrisie et nous travaille seulement pour la çause d’Allah. Nous banne Masjids Insha-Allah pour accompli droits de banne masjids qui donne guarantie a chaque dimoune qui fine faire sacrifice ene la çage dans jannat. Donc cotte Allah fine donne exemples de banne hypocrites, cotte zotte actions c’est pour crèer desordres entre banne croyants fine donne ça consolation la qui dans l’époque de H.Mohammad s.a.w, ça banne zefforts la fine alle dans vide. Donc si dans l’avenir aussi si ene croyant sincère li reste établi lors le takwa, lors so imaan, Allah pour sappe banne croyants contre tous banne mals. Mais içi fine aussi mette responsabilités lors banne croyants qui ça exemple de Masjids devant ou la, qui exemple de Masjid Nabi, banne Masjids qui so fondation baser lors le takwa c’est Masjid Nabi, qui so fondation li baser lors humilité et doahs, qui fine construire pour gagne takwa. Donc dorénavant aussi banne croyants besoin mette ça banne exemples la devant zotte qui H.Mohammad s.a.w et so banne sahabas fine metter comme fondation quand zotte ti pe construire banne masjids. Sinon pena aucun guarantie qui ou banne Masjids pour faire ou gagne Allah so proximité.

Donc pour gagne Allah so l’amour, pour ena le désire pour garde ou banne le coeurs propre et marche lors le takwa, li très neçessaire. Chaque Ahmadi n’importe quand zotte construire Masjids chaque instant zotte besoin rapelle qui but de construction c’est faire ibaadat ene seul Allah et en marchant lors takwa nous gagne Allah so plaisir. Qui été Takwa, ou qui çanne la qui ene Muttaqui, H.Massih Maoud a.s dire qui avec crainte d’Allah et pour gagne so plaisir, chaque dimoune qui sapper avec chaque mal, nous apelle li ene Muttaki. Ene place H.Massih Maoud a.s dire qui le Quran li donne banne enseignements de Takwa, et c’est ça même so fondation. Fine dire si ene dimoune pas adopter le takwa so banne Namaz aussi li alle dans vide. Qui Allah protége chaque Ahmadi de ça, pas seulement banne namaz la dans vide mais li amene ou vers l’enfer. Nous pe çause lors Masjid et pe dire qui so but besoin le takwa, et pour gagne ça ene musulman lire le namaz, et quand li construire ene Masjid, Allah faire ene la çage pour li dans jannat, donc premier zaffaire qui ou besoin garde en vue qui quand construire Masjid, ou l’intention besoin propre. Et celui qui faire namaz, pour li fine dire qui si pena takwa certainement zotte pe lire ene Namaz exterieur et li pas vaut la peine, si ene dimoune réflechi, li gagne bien peur.

Ene place fine dire qui si pena takwa, pena neki aussi. Donc nous pas besoin content lors le fait qui nous fine faire ene joli Masjid qui nous trouver de loin, et qui ena ene place important dans la ville. Vrai beauté li pour apparent quand nous marche lors le takwa, et accompli but de construction pour le Masjid, quand nous marche lors le takwa et accompli ça banne buts la. Donc chaque Ahmadi besoin faire zefforts qui avec construction de ça Masjid la, faire ou Namaz juste pour Allah, et besoin crèer banne relations d’amour, de fraternité entre zotte plus qui avant. Pour le plaisir d’Allah, pardonne erreurs de ou prochain, garde ou le coeur pure de tout rancunes, accompli droits de ou banne proches et banne étrangers, crèer humilité dans le coeur. Lers la ou pour gagne bienfait de construction de ça Masjid la, et lers la qui nous pour gagne place dans ça la çage qui Allah pour crèer dans jannat la. C’est a ce moment la qui nous banne nNmaz pour attire Allah so plaisir. Qui Allah faire nous gagne ça stage la et reste établi lors la.

Ça banne versets mo fine lire au commencement, la dans ena deux commandements important qui Allah fine donner qui depuis le commencement de Quran jusqu’a finission fine mentionner dans banne plusieurs places. Et premier commandement c’est faire Namaz, lors qui fine attire l’attention avant aussi. Qui après construction de Masjid li devoir de chaque croyant pour protége zotte namaz, et ça même pour faire ou augmenter dans takwa. H.Massih Maoud a.s dire qui été namaz. C’est ene doahs, tasbih, tahmid, et istighfaar, et Darood. Donc quand zotte pe faire Namaz pas lire seulement en Arabe parcequi zotte Namaz et istighfaar c’est juste banne traditions qui pena aucun verité. Mais quand zotte lire le Namaz, apart Allah et le prophéte so banne paroles, quand ou demande doahs demande dans ou propre langue afin qui ça ena l’effet lors ou le coeur. Et quand pour ena ça l’effet la, stage de takwa pour augmenter.

Donc nous gagne Allah so proximité avec Namaz. Maintenant quand ou responsabilité pour augmenter avec construction de Masjid parcequi mo fine trouver qui avec construction de Masjid normalement introduction li augmenter et banne chemins de tabligh li ouvert. Et avec ça ou niveau de ibaadat aussi besoin augmenter, afn qui la pluie d’Allah so la Graçe li plus qui avant, et avec ça banne Namaz la, pour gagne banne meilleur ocçasions et Insha Allah en résultat de ça pour gagne banne meilleurs response. Maintenant dans ça verset la, deuxieme commandement qui fine mentionner,c’est ene coincidence qui Masjid de Bradford et de Hartlepool so fondation mo ti metter le même jour.

Premier Bradford et deuxieme Hartlepool, mais Masjid de Hartlepool ti fine completer 2 ans de cela. De toute façon li ti petit c’est pourquoi fine terminer vite. Mais Masjid de Bradford fine prend un peu le temps, mais ce qui mo envie dire c’est qui quand Masjid de Hartleypool ti inaugurer, çapave dire c’est ene coincidence ou Allah so la Grace qui mo ti annonce la nouvelle annee de Tehrik-e-Jadid la-bas. Pour la premier fois ti annonce ça en dehors de Londres. Et aujourd’hui lors inauguration de ou Masjid par coincidence c’est la fin de l’année de Tehrik-e-Jadid, et nouvelle année pe commencer.

Tehrik-e-Jadid so commencement c’était a çause ennemité grandissante contre Ahmadiyyat. Et avec Allah so la Grace quand H.Khalifat Ul Massih sani ti commence ça, banne ennemis ti faire banne plans terrible pour fini Ahmadiyyat. Mais li fine mette ça fond devant le Jamaat, et avec ça plan la tabligh fine repanne en dehors de l’Inde et fine alle dans les autre pays avec beaucoup éclat. Aujourd’hui banne Masjids qui nous pe construire ou banne mission house qui pe construire, banne centres qui pe ouvert, cotte Jamaat so nombre pe grandi, li en fait forme partie de ça même histoire. Donc aujourd’hui avec ene nouveau enthousiasme ou besoin porte attention vers doahs et guetter comment Allah pe recompense ou. Ou besoin faire tabligh, faire sacrifice financiere avec ene ferveur, et c’est ça même vrai remerciements, et c’est ça même reponse a nous banne zefforts.

Deuxieme verset qui mo fine lire ce qui fine mentionner la-dans c’est ça même qui Allah fine dire, depense ou du biens, chaque dimoune intelligent comprend qui ici ça li veut dire depense dans Allah so chemins avec qui banne neçessités de tabligh, de publiçation de literature zotte accompli, afin qui çapave construire banne Masjids, ouvert banne nouveau missions, çapave prépare banne missionaire. Avant ti ena deux Jamiah, ene dans Qadian et ene dans Rabwah.

Maintenant pour accompli neçessités de banne nouveau missionaires plusieurs places fine ouvert banne Jamiah. UK aussi li parmi banne pays chanceux cotte le Jamiah fine ouvert. Donc ce qui Allah fine dire depense ou du biens, Allah fine ordonne ça pour accompli banne neçessités. Ou pas besoin faire ene travail ensuite assise en place, mais pareil comment tout le temps ou besoin faire zefforts pour le namaz, avec sincerite ou besoin faire Allah so ibaadat, comme ça même ou besoin sacrifice financiere. Pour faire sacrifice financiere ene coup, ou devoir li pas accompli, quand fine construire ene Masjid besoin pas ena manquement dans sacrifices financiere, pas penser quand ou fine publier quelques literatures qui fine faire beaucoup. Maintenant par la Grace d’Allah banne nouveau chemins de tabligh pe ouvert par zotte même, et pour ça besoin banne l’argent. Parmi ena MTA, depuis ça la ville la premier fois pe retransmettre en direct, MTA li accompli ene tres grand partie dans le domaine de tabligh. Dans le monde pas seulement le Jamaat pe introduire, mais dans plusieurs pays banne messages de l’Islam et de Ahmadiyyat fine transmettre.

Maintenant pour repanne le message dans quelques pays, quelques la ville seulement li pas suffit. Nous ena pour repanne le message dans chaque pays, chaque la ville, chaque chemin. Et pour ça besoin ena banne sacrifices et besoin doahs, c’est pourquoi dans zotte promesses zotte dire zotte pour sacrifier la vie, du biens, le temps, l’honneur. Ou faire ça pour repanne Allah so religion. Besoin faire ça pour faire drapeau de H.Mohammad s.a.w flotter dans le monde. C’est Allah so la Grace qui dans le coeurs de banne Ahmadis,li même li mette ça enthousiasme pour faire sacrifices financiere la. Aujourd’hui quand le monde li dans ene crise économique, qui ou ibaadat et ou sacrifices, li pour protége ou de ça banne mauvais l’effets la. Parcequi regard d’ene croyant li vers so dernier destination, et li besoin comme ça. Pour ça Allah fine dire qui ni banne commerce mondaine, ni banne l’argent pour servi ou, ni ou banne çamaraderie, ce qui pour servi ou c’est ou banne ibaadat et ou banne sacrifices financier. C’est Allah so faveur lors le Jamaat ça qui banne Ahmadis fine comprend ça message la, fardeau de sacrifices financiere parfois ou ressenti qui li fine augmenter mais la aussi ene tres grand partie de banne Ahmadis zotte faire li. Fine faire ça Masjid la et zotte fine participe la-dans le coeur ouvert. Ena ene dimoune qui mo conner qui ti vine ici temporairement, et tout ce qui li ti ena li fine donne dans ça Masjid la. Et mo fine besoin dire li qui ou propre être ena droits lors ou du biens. Coumma zotte conner annèe de Tehrik-e-Jadid terminer le 31 Octobre, ena qui attane quand khutba vini quand mo annonce la nouvelle annèe, et nous faire nous promesse. Mo conner qui ena qui fini ramasse zotte l’argent zotte attane qui quand ena annonce, avec zotte promesse zotte accompli ça. zotte pas content ena dettes avec Allah. Ena qui penser qui si prend dettes çapave accompli ou propre neçessités, be qui faire pas çapave faire li avec Tehrik-e-Jadid et les autres chanda. Alors qui li très neçessaire qui ou accompli droits de ou être, mais chacun so zaffaire li avec Allah.

Donc malgré qui ena dimounes qui zotte situation comme ça, mo pas dire zotte reprend zotte chanda, mo attire zotte l’attention accompli zotte droits et droits de zotte madames zenfants. Zotte dire qui ça même deal nous faire avec Allah, au contraire banne tells dimounes zotte madames aussi faire beaucoup sacrifices. Et banne madames Ahmadis mo fine trouver qui Masha-Allah zotte depasse banne missiers dans sacrifices financiere. Comment zotte fine écouter dans Amir Saheb so rapport fine dire qui Lajnas fine accompli zotte promesses. De la même façon Masjid de Berlin, Lajnas UK fine donne 200,000 livres sterlins a peu prêt. Dans UK ça trend de acheter terrain et construire Masjids, la-dans aussi mo penser banne madames ena ene grand part la-dans. Zotte dire qui tout de suite besoin construire banne Masjids la, li très neçessaire pour tarbiyyat de nous banne zenfants. Donc ça c’est beauté de Ahmadiyyat, ça c’est revolution qui H.Massih Maoud a.s fine crèer dans nous. Tant qui ena ça l’ame la, dans zotte generations pour ena banne qui faire ibaadat et qui faire sacrifice financiere. Zotte banne generations pour participe dans sacrifice financiere a coeur ouvert. H.Massih Maoud a.s so Jamaat tout le temps li fine donne banne madames, missiers, zenfants, qui faire banne tels sacrifices financiere. Qui au lieu guette banne çamaraderie modaine et banne commerce mondaine, zotte guette l’au-dela et cherche Allah so plaisir. Et zotte adopter le takwa.

Finalement mo présente banne chiffres devant ou. Somme totale qui fine
, Wolverhampton, Bristol, Spen Valley, Leamington Spa, Bournemouth, North Wales, Woking, Keighley and Devon & Cornwell.

Dans l’Amerique premier 4 ena Silicon Valley, Chiçago West, North Virginia and Detroit.

Qui Allah recompenses tous banne qui fine faire sacrifices financier, mette beaucoup barakat dans zotte generations, et qui zotte comprend ça verite la dans le future aussi et continuer faire sacrifices financier et augmente zotte stage de ibaadat.